சோத்து கனவு

உங்கள் கனவுகளை உழுது விடுங்கள்
எண்ணங்களை விதையாய் நட்டு விடுங்கள்

செயல்களை உரமாய் தூவி விடுங்கள்
கண்ணீரை நீராய் பாய்ச்சி விடுங்கள்

ஏக்கத்தை காலங்களாக காக்க விடுங்கள்
துரோகத்தை பக்குவமாய் களை எடுங்கள்

அன்பை ஆசையாய் அறுவடை செய்யுங்கள்
பாசத்தை பதமாய் பதர் அடியுங்கள்

உழவு கனவு பலித்திடுமே
உள்ளங்கள் மகிழ்ச்சி கொண்டிடுமே

சந்ததி சோறு தின்னிட
சாகும் வரை உழைத்திட
கனவு என்றும் பலித்திட
ஆசை கொண்டேன் மனதிலே...

கார்த்திகா சுந்தர்