பட்டாபட்டி தாத்தா பணம்

பணம் பணம்
பட்டாபட்டி பணம்

குணம் குணம்
பத்திரமாத்து குணம்

தினம் தினம்
பொன்னான தினம்

மனம் மனம்
மாசு இல்லா மனம்

கணம் கணம்
மடியில் இல்லை கணம்

ரணம் ரணம்
மனசெல்லாம் ரணம்

தெனம் தெனம்
நாட்கள் கழிந்தன தெனம்

இனம் இனம்
ஆசை பிடிச்ச மனுஷ இனம்

பிணம் பிணம்
ஆன பட்டாபட்டி தாத்தா பிணம்

மணம் மணம்
தாத்தாக்காக ஊதுபத்தி  மணம்

பணம் பணம்
என போன சொந்த பந்தம்

பிணத்து முன்ன கூடுச்சம்மா
மனம் திரிந்து சேந்துச்சம்மா

உசுரோட இருக்கையில
ஒரு ஜனம் இல்லையம்மா

உசுரு பிரிஞ்சு போனபின்ன
ஊரு ஜனம் கூடுதம்மா

பட்டாபட்டி தாத்தா மேல
பாசம் இப்போ பொங்குதம்மா

திடீர் பாசம் கொட்டுதம்மா
இது எல்லா

பாசமா...
வேசமா ...
பணம் செய்யும் மோசமா...

என்னானு புரியலையே ...
ஏதுனு தெரியலையே ...

பட்டாபட்டி தாத்தா என்ன
தவிக்க விட்டு போனதென்ன ...

கண்ணில் நீர் வடிய
நெஞ்சில் வலி நிரைய
செல்ல தாத்தா நினைப்போட
உன்ன நினைச்சு அழுகும்
செல்ல பேத்தி நான் தானே .....

கார்த்திகா சுந்தர்