முந்தானை தூழி

பாட்டி வீட்டு தோட்டம்
தாத்தா நட்ட மரங்கள்

பச்சை பசுமை சோலை
பூத்து குலுங்கும் வேளை

பரீட்சை முடிந்தா போதும்
சிட்டாய் பறப்போம் பாரு

 பேரன் பேத்தி எட்டு
விடுமுறை நாளோ பத்து

பாட்டி சேலையை வெட்டி
தாத்தா கட்டும் தூழி

ஆட்டம் போடும் சுட்டி
முந்தானை தூழி கட்டி

பிறந்த வீடும் அதுவே
வளர்ந்த வீடும் அதுவே

பாட்டி சேலையில் தூழி
பேத்தி தூங்கும் லாலி

முந்தானை தூழி வாசம்
மறவா நினைவின் நேசம்...
கார்த்திகா சுந்தர்